اوعي تشغل بطارية من غير bms 🔥
الـ BMS هو نظام إدارة البطاريات. تخيل إن البطاريات دي زي عيلة كبيرة من الأطفال، وكل طفل عنده شخصية مختلفة واحتياجات مختلفة. فإنت محتاج حد يرعى العيلة دي وينظم لهم حياتهم عشان كل حاجة تمشي مظبوطة ومافيش حد يزعل أو يحصل مشاكل. هنا ييجي دور الـ BMS.

الـ BMS بيعمل إيه بقى؟🤔
 هقولك: 

مراقبة الشحن والتفريغ: زي ما تكون واقف جنب ابنك وبتشوف هو شبع أكل ولا لسه، الـ BMS بيراقب مستوى الشحن في البطارية ويشوف لو محتاجة شحن ولا تفريغ.

حماية البطارية: زي ما تكون بتحمي ولادك من أي خطر، الـ BMS بيحمي البطارية من الشحن الزائد أو التفريغ الزائد اللي ممكن يبوظها.

توازن الخلايا: تخيل إن عندك ولاد كتير وكل واحد بياخد أكل مختلف، الـ BMS بيتأكد إن كل خلية في البطارية واخدة نصيبها العادل من الشحن، عشان مايبقاش في خلية مشحونة بزيادة وخلية ناقصة.

مراقبة الحرارة: زى ما تكون بتقيس حرارة ابنك لما يحس إنه تعبان، الـ BMS بيراقب درجة حرارة البطارية وبيتأكد إنها في المستوى الطبيعي، عشان لو الحرارة زادت يحصل إنذار ويعرفك.

توفير معلومات: الـ BMS بيجمع كل المعلومات عن البطارية ويوريهالك على شاشة أو تطبيق، عشان تبقى عارف إيه اللي بيحصل وتاخد قراراتك بناءً على معلومات دقيقة.

في الآخر، الـ BMS زي مدير البطارية، بيدير كل حاجة عشان البطارية تعيش مدة أطول وتشتغل بأحسن كفاءة.
لو عجبك البوست اعمل لايك وشير عشان غيرك يستفيد 🥰
جولدابيكيا الدهب مبيصديش ✨